Angliya terma jamoasi yarim himoyachisi Morgan Rojers JCH-2026 chorak finalidan o‘rin olgan Norvegiyaga qarshi o‘yin oldidan Erling Xoland haqidagi fikrlari bilan o‘rtoqlashdi. «Manchester Siti» hujumchisi turnirdagi 4 ta o‘yinda 7 ta gol urishga ulgurdi.

— Norvegiya terma jamoasida dunyoning eng yaxshi hujumchilaridan biri bor. U maydonda bo‘lganida, har qanday narsa sodir bo‘lishi mumkin. Agar Erling ikkita gol urib, jamoasi g‘alaba qozonsa, bundan hech qachon ajablanmang. U faoliyati davomida buni ko‘p marta qilgan. Va buni davom ettirmoqda.

— Angliya terma jamoasi Xolandni qanday to‘xtatishi mumkin?

— Uni umuman kimdir to‘xtatolganmi o‘zi? Ishonchim komil emas, lekin biz harakat qilamiz. U aql bovar qilmas futbolchi. Uning qanchalik yaxshiligi, o‘yini va ko‘rsatayotgan statistikasi shunchaki hayratlanarli.

Ammo gap faqat Erlingda emas. Ularda biz APLda muntazam ravishda qarshi o‘ynaydigan boshqa yaxshi futbolchilar ham bor. Biz ularga ham e’tiborli bo‘lishimiz kerak. Bu haqiqatan ham yaxshi jamoa. Menimcha, ularning asosiy kuchi ham shunda — jamoa sifatida, yagona bir butun sifatida ular juda kuchli, — dedi Morgan Rojers.