Londonning «Arsenal» klubi yarim himoyachi Brunu Gimaraes transferi borasida «Nyukasl»ga yangi taklif yuborishni rejalashtirmoqda. Bu haqda taniqli insayder va jurnalist Fabrisio Romano xabar berdi.
Manbaning ta’kidlashicha, ushbu transferni amalga oshirishni «Arsenal» bosh murabbiyi Mikel Arteta shaxsan talab qilmoqda, biroq barchasi «Nyukasl»ning tutadigan mavqeiga bog‘liq. Agar klublar futbolchining transferi borasida o‘zaro kelishuvga erisha olsalar, shaxsiy shartnoma shartlari muammo tug‘dirmasligi aytilmoqda.
2025/2026 yilgi mavsumda Gimaraes barcha musobaqalarda 41 ta uchrashuvda maydonga tushib, raqiblar darvozasini 9 bor ishg‘ol qildi va 8 ta golli uzatmani o‘z hisobiga yozdirib qo‘ydi.
Transfermarkt portali ma’lumotlariga ko‘ra, 28 yoshli braziliyalik futbolchining bozor qiymati 70 million yevroni tashkil etadi.
