Portugaliya futbol federasiyasi Jorje Jezush bilan to‘liq kelishuvga erishdi. U Roberto Martines ketganidan so‘ng milliy terma jamoaga bosh murabbiylik qiladi. Bu haqda Record xabar bermoqda.

71 yoshli mutaxassisning rasmiy taqdimoti 10 iyul kuni — Portugaliya tarixida ilk bor Yevropa chempionatidagi g‘alabasiga 10 yil to‘ladigan kunda bo‘lib o‘tadi.

Jezush 2030 yilgacha mo‘ljallangan shartnomani imzolaydi va Portugaliya Ispaniya hamda Marokko bilan birgalikda mezbonlik qiladigan jahon chempionatida terma jamoani boshqaradi.

Mutaxassisning so‘nggi ish joyi «An-Nasr» klubi bo‘lib, u bilan o‘tgan mavsumda Saudiya Arabistoni chempioni bo‘lgandi.

Jezush oldiga Millatlar ligasining yaqinlashib kelayotgan mavsumi, shuningdek, Yevro-2028 va JCH-2030 turnirlarida g‘alaba qozonish vazifasi qo‘yiladi.