Португалия футбол федерацияси Жорже Жезуш билан тўлиқ келишувга эришди. У Роберто Мартинес кетганидан сўнг миллий терма жамоага бош мураббийлик қилади. Бу ҳақда Record хабар бермоқда.
71 ёшли мутахассиснинг расмий тақдимоти 10 июль куни — Португалия тарихида илк бор Европа чемпионатидаги ғалабасига 10 йил тўладиган кунда бўлиб ўтади.
Жезуш 2030 йилгача мўлжалланган шартномани имзолайди ва Португалия Испания ҳамда Марокко билан биргаликда мезбонлик қиладиган жаҳон чемпионатида терма жамоани бошқаради.
Мутахассиснинг сўнгги иш жойи «Ан-Наср» клуби бўлиб, у билан ўтган мавсумда Саудия Арабистони чемпиони бўлганди.
Жезуш олдига Миллатлар лигасининг яқинлашиб келаётган мавсуми, шунингдек, Евро-2028 ва ЖЧ-2030 турнирларида ғалаба қозониш вазифаси қўйилади.
