Shveysariya terma jamoasi bosh murabbiyi Murat Yakin Jahon chempionati — 2026 da hakamlar tomonidan Argentina terma jamoasiga yordam berilayotganini ko‘rmayotganini aytdi. Shveysariyalik mutaxassisning so‘zlariga ko‘ra, o‘yinlar halol o‘tmoqda, mag‘lub bo‘lgan jamoalar vakillarining o‘yindan keyingi gaplari esa shunchaki hissiyotlarga asoslangan.
«Hozir hamma narsani texnologiyalar va VAR yordamida nazorat qilish mumkin. Men u yerda biror bir yomon yoki salbiy holat yuz beryapti, deb aytmagan bo‘lardim. O‘yindan keyingi bayonotlar bilan hisob-kitob qilib o‘tirish kerak emas», — Yakinning so‘zlarini keltiradi Ole nashri.
Argentina va Shveysariya mundial yarim finalining so‘nggi yo‘llanmasini o‘zaro o‘yinda hal qilishadi. Dastlabki ikki yo‘llanmani Fransiya va Ispaniya qo‘lga kiritdi. Uchinchi yo‘llanma esa Angliya va Norvegiya qarama-qarshiligida aniqlanadi.
