Belgiya terma jamoasi darvozaboni Tibo Kurtua jamoa Jahon chempionati — 2026 dan chiqib ketganidan so‘ng, tanqidchilarni belgiyaliklarning so‘nggi yillardagi natijalarini munosib baholashga chaqirdi. U ko‘plab muxlislar va ekspertlar fikriga ko‘ra, Rossiyadagi JCH-2018 bronza medalidan ko‘prog‘iga erishishi kerak bo‘lgan Belgiyaning «oltin avlodi» sha’niga aytilgan tanqidlarga javob qaytardi.

«Ko‘plab odamlar «oltin avlod»ni hech narsa yuta olmagani uchun uzoq vaqtdan beri tanqid qilib kelishayotganini bilaman. Lekin biz Belgiyamiz, Angliya, Ispaniya yoki Fransiya emasmiz. Biz aholisi 12 milliondan kam bo‘lgan, yirik turnirlarda aql bovar qilmas natijalarni ko‘rsatayotgan kichik bir davlatmiz», — deya Kurtuaning so‘zlarini keltiradi FIFA matbuot xizmati.

Uning fikricha, kelajakda jamoa yana bir qadam oldinga tashlab, Jahon chempionati finaliga chiqishga to‘la qodir.

JCH-2026da belgiyaliklar chorak finalgacha yetib borishdi va unda Ispaniyaga (1:2) mag‘lub bo‘lishdi.