Бельгия терма жамоаси дарвозабони Тибо Куртуа жамоа Жаҳон чемпионати — 2026 дан чиқиб кетганидан сўнг, танқидчиларни бельгияликларнинг сўнгги йиллардаги натижаларини муносиб баҳолашга чақирди. У кўплаб мухлислар ва экспертлар фикрига кўра, Россиядаги ЖЧ-2018 бронза медалидан кўпроғига эришиши керак бўлган Бельгиянинг «олтин авлоди» шаънига айтилган танқидларга жавоб қайтарди.
«Кўплаб одамлар «олтин авлод»ни ҳеч нарса юта олмагани учун узоқ вақтдан бери танқид қилиб келишаётганини биламан. Лекин биз Бельгиямиз, Англия, Испания ёки Франция эмасмиз. Биз аҳолиси 12 миллиондан кам бўлган, йирик турнирларда ақл бовар қилмас натижаларни кўрсатаётган кичик бир давлатмиз», — дея Куртуанинг сўзларини келтиради ФИФА матбуот хизмати.
Унинг фикрича, келажакда жамоа яна бир қадам олдинга ташлаб, Жаҳон чемпионати финалига чиқишга тўла қодир.
ЖЧ-2026да бельгияликлар чорак финалгача етиб боришди ва унда Испанияга (1:2) мағлуб бўлишди.
