FIFA prezidenti Janni Infantino jahon chempionati ishtirokchilari sonini 64 tagacha oshirish ehtimoli haqida fikr bildirdi.

«JCHni 64 ta jamoagacha kengaytirishmi? Bu masala, albatta, joriy jahon chempionatidan so‘ng tegishli qo‘mitalarda ko‘rib chiqiladi va muhokama qilinadi. Turnir faqat Yevropa va Janubiy Amerika uchun emas, butun dunyo uchun o‘tkazilishi muhim. Har bir mamlakat jahon chempionatida ishtirok etish orzusi bilan yashashi kerak. Biz butun dunyoda futbol darajasi doimiy ravishda o‘sib borayotganini ko‘ryapmiz», — deya Infantinoning so‘zlaridan iqtibos keltiradi Blue Win.

2026 yilgi jahon chempionati final bosqichida 48 ta terma jamoa ishtirok etmoqda. Avvalroq mundiallarda 32 ta jamoa qatnashgan edi.