ФИФА президенти Жанни Инфантино жаҳон чемпионати иштирокчилари сонини 64 тагача ошириш эҳтимоли ҳақида фикр билдирди.
«ЖЧни 64 та жамоагача кенгайтиришми? Бу масала, албатта, жорий жаҳон чемпионатидан сўнг тегишли қўмиталарда кўриб чиқилади ва муҳокама қилинади. Турнир фақат Европа ва Жанубий Америка учун эмас, бутун дунё учун ўтказилиши муҳим. Ҳар бир мамлакат жаҳон чемпионатида иштирок этиш орзуси билан яшаши керак. Биз бутун дунёда футбол даражаси доимий равишда ўсиб бораётганини кўряпмиз», — дея Инфантинонинг сўзларидан иқтибос келтиради Blue Win.
2026 йилги жаҳон чемпионати финал босқичида 48 та терма жамоа иштирок этмоқда. Аввалроқ мундиалларда 32 та жамоа қатнашган эди.
