Yarim himoyachi Braim Dias shu yozda «Real»ni tark etishi mumkin.
ElNacional.cat nashrining xabariga ko‘ra, marokashlik futbolchining transferiga «Napoli» qiziqish bildirmoqda. Neapol klubi futbolchini o‘z safiga qo‘shib olish uchun taxminan 60 million yevro to‘lashiga to‘g‘ri keladi. Shu bilan birga, Madrid klubi ham shu yozda o‘z o‘yinchisi bilan xayrlashishga tayyor.
Braim Dias 2019 yilda «Manchester Siti»dan 17 million yevro evaziga «Real»ga o‘tgan edi. Uning shartnomasi 2027 yilning 30 iyuniga qadar mo‘ljallangan. 2025/26 yilgi mavsumda yarim himoyachi madridliklar safida barcha musobaqalarda 42 ta o‘yinda maydonga tushib, 2 ta gol urdi va 9 ta golli uzatmani amalga oshirdi.
