Dortmundning «Borussiya» klubi yarim himoyachisi Feliks Nmecha yozgi transfer oynasida «Nyukasl»ga o‘tish borasida ikkilanmoqda. Football Insider ma’lumotlariga ko‘ra, bunga 25 yoshli germaniyalik futbolchining Chempionlar ligasida ishtirok etadigan klub safiga qo‘shilishni istayotgani sabab bo‘lmoqda.

«Borussiya» yarim himoyachini sotishdan manfaatdor emas va uni taxminan 120 million yevroga baholamoqda. O‘tgan mavsumda Nmecha barcha klub turnirlarida 47 ta o‘yinda maydonga tushib, 6 ta gol urdi va 3 ta golli uzatmani amalga oshirdi.

«Nyukasl»dan tashqari, futbolchiga «Bavariya», «Chelsi» va «Manchester Yunayted» klublari ham qiziqish bildirmoqda.