«Barselona» va Kamerun terma jamoasining sobiq hujumchisi Samyuel Eto’O Kilian Mbappega nisbatan aytilayotgan «kibr» haqidagi gap-so‘zlar yuzasidan o‘z fikrini bildirdi.

«U — g‘alaba qozonishga intiladigan va o‘z maqsadlari haqida ochiq gapiradigan yetakchi. Ba’zilar bunday ishonchni kibr deb qabul qilishadi va undan tanqid uchun foydalanishadi, bu tanqidlar, menimcha, ko‘pincha juda qattiq va adolatsiz bo‘ladi. Men esa kibrni emas, balki buyuk chempion bo‘lish uchun zarur bo‘lgan o‘ziga bo‘lgan ishonchni ko‘ryapman», — deya Eto’Oning so‘zlarini keltiradi Actu Foot.

Joriy jahon chempionatida Mbappe eng yaxshi to‘purarlar qatorida bormoqda. Argentinalik Lionel Messi kabi u ham 8 ta gol urgan.