«Барселона» ва Камерун терма жамоасининг собиқ ҳужумчиси Самюэль Это’О Килиан Мбаппега нисбатан айтилаётган «кибр» ҳақидаги гап-сўзлар юзасидан ўз фикрини билдирди.

«У — ғалаба қозонишга интиладиган ва ўз мақсадлари ҳақида очиқ гапирадиган етакчи. Баъзилар бундай ишончни кибр деб қабул қилишади ва ундан танқид учун фойдаланишади, бу танқидлар, менимча, кўпинча жуда қаттиқ ва адолатсиз бўлади. Мен эса кибрни эмас, балки буюк чемпион бўлиш учун зарур бўлган ўзига бўлган ишончни кўряпман», — дея Это’Онинг сўзларини келтиради Actu Foot.

Жорий жаҳон чемпионатида Мбаппе энг яхши тўпурарлар қаторида бормоқда. Аргентиналик Лионель Месси каби у ҳам 8 та гол урган.