Myunxenning «Bavariya» klubi hujumchisi Xarri Keyn «Manchester Siti»ning e’tiborida.

TEAMtalk xabariga ko‘ra, inglizlar grandi «Bavariya» rahbariyati bilan Keyn atrofidagi vaziyatni muhokama qilgan. «Shaharliklar» haligacha klub bilan mehnat shartnomasini uzaytirmagan hujumchining kelajagini diqqat bilan kuzatib bormoqda.

Keynning amaldagi shartnomasi tugashiga atigi bir yil qolgan, ammo «Bavariya» o‘z to‘purarini jamoada olib qola olishiga ishonmoqda.

O‘tgan mavsumda 32 yoshli hujumchi barcha turnirlarda 51 ta o‘yinda ishtirok etib, 61 ta gol urdi va 7 ta golli uzatmaga mualliflik qildi.

Transfermarkt ma’lumotlariga ko‘ra, Keynning transfer qiymati 60 million yevroni tashkil etadi.