Мюнхеннинг «Бавария» клуби ҳужумчиси Харри Кейн «Манчестер Сити»нинг эътиборида.

TEAMtalk хабарига кўра, инглизлар гранди «Бавария» раҳбарияти билан Кейн атрофидаги вазиятни муҳокама қилган. «Шаҳарликлар» ҳалигача клуб билан меҳнат шартномасини узайтирмаган ҳужумчининг келажагини диққат билан кузатиб бормоқда.

Кейннинг амалдаги шартномаси тугашига атиги бир йил қолган, аммо «Бавария» ўз тўпурарини жамоада олиб қола олишига ишонмоқда.

Ўтган мавсумда 32 ёшли ҳужумчи барча турнирларда 51 та ўйинда иштирок этиб, 61 та гол урди ва 7 та голли узатмага муаллифлик қилди.

Transfermarkt маълумотларига кўра, Кейннинг трансфер қиймати 60 миллион еврони ташкил этади.