«Aston Villa» yarim himoyachisi Yuri Tilemans faoliyatini «Manchester Yunayted»da davom ettirishga tayyor.
Jurnalist Florian Plettenbergning ma’lum qilishicha, «qizil iblislar» belgiyalik futbolchi bilan hamkorlik shartlari bo‘yicha og‘zaki kelishuvga erishgan. 29 yoshli futbolchi mankunianliklar bilan uzoq muddatli shartnoma imzolashga rozilik bergan. Klublar o‘rtasidagi muzokaralar ham yakuniy bosqichda va jadal sur’atda olg‘a siljimoqda.
Yuri Tilemans «Aston Villa» sharafini 2023 yilning yozidan buyon himoya qilib keladi. O‘tgan mavsumda yarim himoyachi Unai Emeri jamoasi safida barcha turnirlarda 35 ta o‘yinda maydonga tushib, o‘z hisobiga ikkita gol va yettita golli uzatmani yozdirib qo‘ygan. Transfermarkt sayti futbolchini 30 million yevroga baholamoqda.
