Lissabonning «Sporting» klubi vingeri Fransishku Trinkan «Al-Ahli»ga o‘tadi.

Taniqli insayder Fabrisio Romanoning eksklyuziv xabariga ko‘ra, Saudiya klubi portugaliyalik futbolchini 45 million dollar hamda 5 million bonus (39,4 mln + 4,4 mln yevro) evaziga o‘z safiga qo‘shib olish bo‘yicha kelishuvga erishgan. Faqatgina hujjatlarni rasmiylashtirish qoldi, shundan so‘ng transfer rasman e’lon qilinadi. Jidda shahri jamoasida 26 yoshli futbolchi yaqinda jamoani tark etgan Riyod Mahrezning o‘rnini egallaydi.

Fransishku Trinkan 2022 yilning yozidan buyon «Sporting» sharafini himoya qilib kelayotgan edi, undan avval esa «Barselona», «Vulverxempton» va «Braga» klublarida to‘p surgan. Portugaliya terma jamoasi safida o‘yinchi 19 ta uchrashuvda ishtirok etib, o‘z hisobiga uchta gol va bitta golli uzatmani yozdirib qo‘ygan.