«Barselona» yarim himoyachisi Mark Bernal Madridning «Atletiko» klubi e’tiborini tortdi.
Jurnalist Serxi Solening xabar berishicha, «matraschilar» 19 yoshli futbolchini o‘z transfer maqsadlaridan biri sifatida belgilab olishgan. «Ko‘k-anorranglilar»ning pozisiyasi o‘zgarishsiz qolmoqda: bosh murabbiy Xans-Diter Flik va sport direktori Deku iqtidorli yarim himoyachini sotishga rozilik berishmoqchi emas. Kataloniya klubi yosh ispaniyalik futbolchiga ishonadi va unga uzoq muddatli istiqbolda katta umid bog‘lagan.
Transfermarkt portali baholashicha, Mark Bernalning bozor qiymati 30 million yevroni tashkil qiladi. Futbolchining «Barselona» bilan amaldagi mehnat shartnomasi 2029 yilning o‘rtalariga qadar mo‘ljallangan.
