«Aston Villa»ning hujumkor yarim himoyachisi Morgan Rojers «Tottenxem»ning diqqat markazida turibdi. Bu haqda Transfer News Live nashri Himothy Reports’ga tayanib xabar bermoqda.
Biroq ta’kidlanishicha, Rojers allaqachon «shporlar»ning azaliy raqibi — «Arsenal»ning asosiy transfer nishoni hisoblanadi. «Kanonirlar» 23 yoshli ingliz futbolchisi uchun 94-105 million yevro taklif qilishni rejalashtirmoqda. Shu bilan birga, «Aston Villa» o‘z yulduzini 152 million yevroga baholayotgani aytilmoqda.
2025/26 yilgi mavsumda Rodjers barcha turnirlarni hisobga olganda 55 ta uchrashuvda maydonga tushib, 14 ta gol urdi va 12 ta golli uzatmani o‘z hisobiga yozdirib qo‘ydi.
Rojersning «Aston Villa» bilan tuzgan amaldagi mehnat shartnomasi 2031 yilgacha mo‘ljallangan.
