Gaiti terma jamoasi Jahon chempionatidagi ishtirokdan so‘ng bosh murabbiy Sebastyen Minye bilan hamkorlikni yakunladi. Mahalliy futbol federasiyasi matbuot xizmatining xabar berishicha, tomonlar shartnomani o‘zaro kelishuvga ko‘ra bekor qilishga qaror qilishgan.

53 yoshli fransiyalik mutaxassis milliy jamoani 2024 yildan buyon boshqarib kelayotgandi va Gaiti termasini 50 yildan ortiq vaqt ichida ilk bor Jahon chempionatiga olib chiqib, tarixga kirdi.

Federasiya Minyega jamoa bilan ishlagan davridagi «professionalizm, o‘z ishiga sadoqat va fidoyilik» uchun minnatdorchilik bildirdi.

Joriy mundialda gaitilik futbolchilar guruhdan chiqa olishmadi va uchta mag‘lubiyatni qabul qilib olishdi — Shotlandiya (0:1), Braziliya (0:3) va Marokash (2:4).