Гаити терма жамоаси Жаҳон чемпионатидаги иштирокдан сўнг бош мураббий Себастьен Минье билан ҳамкорликни якунлади. Маҳаллий футбол федерацияси матбуот хизматининг хабар беришича, томонлар шартномани ўзаро келишувга кўра бекор қилишга қарор қилишган.
53 ёшли франциялик мутахассис миллий жамоани 2024 йилдан буён бошқариб келаётганди ва Гаити термасини 50 йилдан ортиқ вақт ичида илк бор Жаҳон чемпионатига олиб чиқиб, тарихга кирди.
Федерация Миньега жамоа билан ишлаган давридаги «профессионализм, ўз ишига садоқат ва фидойилик» учун миннатдорчилик билдирди.
Жорий мундиалда гаитилик футболчилар гуруҳдан чиқа олишмади ва учта мағлубиятни қабул қилиб олишди — Шотландия (0:1), Бразилия (0:3) ва Марокаш (2:4).
