«Benfika» himoyachisi Antoniu Silva Angliyaning «Bornmut» klubiga o‘tishi mumkin. Avvalroq 22 yoshli portugaliyalik futbolchi hozirgi klubi bilan shartnomani uzaytirishdan bosh tortgan edi.

Insayder Fabrisio Romanoga ma’lum bo‘lishicha, «Bornmut» Silva bo‘yicha bitimni yopishga yaqin turibdi. «Giloslar» allaqachon o‘yinchi bilan shartnoma shartlarini kelishib olgan, «Benfika» bilan esa muzokaralar yakuniy bosqichda. Biroq ta’kidlanishicha, transfer ushbu hafta oxirigacha to‘liq rasmiylashtirilishi dargumon.

Avvalroq Silva Italiyaning «Milan» klubiga o‘tishi mumkinligi xabar qilingandi. Bitim summasi 25-30 million yevroga baholangan.

O‘tgan mavsumda himoyachi barcha musobaqalarni hisobga olgan holda 41 ta o‘yinda maydonga tushdi. Uning hisobida bitta gol va bitta golli uzatma bor.