«Napoli» yarim himoyachisi Antonio Vergara faoliyatini Angliyada davom ettirishi mumkin.

Tuttosport nashri ma’lumotlariga ko‘ra, «Tottenxem» 23 yoshli futbolchini qo‘lga kiritishga qiziqmoqda. London klubi hujumkor yarim himoyachining vakillari bilan bo‘lajak transfer bo‘yicha bog‘landi. «Napoli» Vergarani yangi shartnoma orqali jamoada saqlab qolmoqchi, «shporlar» esa uning transferi uchun 25 million yevro miqdorida taklif tayyorlamoqda. Shuningdek, yarim himoyachi uchun kurashda «Bornmut» klubi ham ishtirok etmoqda.

Antonio Vergara «Napoli» klubi tarbiyalanuvchisi hisoblanadi. Uning neapolitanliklar bilan tuzgan shartnomasi 2030 yilning 30 iyuniga qadar mo‘ljallangan. 2025/26 yilgi mavsumda yarim himoyachi barcha turnirlarda 19 ta o‘yinda maydonga tushib, 3 ta gol urdi va 4 ta golli uzatmani amalga oshirdi.