«Наполи» ярим ҳимоячиси Антонио Вергара фаолиятини Англияда давом эттириши мумкин.
Tuttosport нашри маълумотларига кўра, «Тоттенхэм» 23 ёшли футболчини қўлга киритишга қизиқмоқда. Лондон клуби ҳужумкор ярим ҳимоячининг вакиллари билан бўлажак трансфер бўйича боғланди. «Наполи» Вергарани янги шартнома орқали жамоада сақлаб қолмоқчи, «шпорлар» эса унинг трансфери учун 25 миллион евро миқдорида таклиф тайёрламоқда. Шунингдек, ярим ҳимоячи учун курашда «Борнмут» клуби ҳам иштирок этмоқда.
Антонио Вергара «Наполи» клуби тарбияланувчиси ҳисобланади. Унинг неаполитанликлар билан тузган шартномаси 2030 йилнинг 30 июнига қадар мўлжалланган. 2025/26 йилги мавсумда ярим ҳимоячи барча турнирларда 19 та ўйинда майдонга тушиб, 3 та гол урди ва 4 та голли узатмани амалга оширди.
