Braziliya terma jamoasining sobiq himoyachisi va 2002 yilgi Jahon chempioni Kafu zamonaviy futbolchilar nima uchun doimo yig‘lashi haqidagi savolga javob berdi.

— Nega hozirgi kunda barcha futbolchilar doimo yig‘laydi?

— Agar o‘yinchi turnir yoki chempionat yakunidagi mag‘lubiyatdan so‘ng yig‘lasa — bu uning tirik hissiyotlari borligidan dalolat. Balki ular ko‘zlagan maqsadiga erisha olmagani uchun yig‘layotgandir. Yig‘lay olish qobiliyati — buyuk chempionlarning ajralmas xususiyatidir.

— Sizni qanday holatdagi futbol ko‘z yoshlariga sabab bo‘lishi mumkin edi?

— Men hissiyotlarga beriluvchan odam emasman. Bu borada juda sovuqqonman. Men Braziliya terma jamoasida yetakchi rollarda bo‘lganman, xalqimiz uchun kumir edim. Sardor sifatida matonat, yetakchilik sifatlari va xotirjamlikni ko‘rsatishim kerak edi. Xalqimiz uchun ham ota, ham bobo bo‘lish talab etilardi. Albatta, kameralardan yashirinib, xonamda o‘tirganimda mag‘lubiyatlar tufayli yig‘laganman — bu tabiiy hol, — dedi Kafu «Komment.SHou» YouTube kanaliga bergan intervyusida.