"Manchester Yunayted"ning sobiq himoyachisi Gari Nevill Angliya terma jamoasi bosh murabbiyi Tomas Tuxel haqida, jamoa JCH-2026 yarim finalida Argentinaga imkoniyatni boy berganidan (1:2) so‘ng o‘z fikrlarini bildirdi.
"Men uning kelajagi haqida o‘ylamayapman. Unga bo‘lgan bosim juda o‘rinli, u ma’lum bir yo‘l bilan muvaffaqiyatga erishishga harakat qildi.
Ko‘pchilik uning bunga yondashuviga qo‘shilmaydi... Uni tanqid qilishadi, chunki u o‘yinning keskin pallalarida uning borishini o‘zgartira oladigan bosh murabbiy edi. Uni aynan shunday vaziyatlarni uddalashi uchun taklif qilishgandi, ammo u buni eplay olmadi, shuning uchun unga bosim o‘tkazishadi.
Ammo men hech qachon Angliya bu turnirda g‘olib chiqishini kutmaganman. Yakunda, menimcha, biz eng muhim o‘yinlarda va eng mas’uliyatli daqiqalarda to‘pni nazorat qila olmaymiz. Bu ko‘p yillardan beri Angliyaning aybi bo‘lib kelgan", — deya Nevillning so‘zlarini keltiradi Sky Sports.
