"Манчестер Юнайтед"нинг собиқ ҳимоячиси Гари Невилл Англия терма жамоаси бош мураббийи Томас Тухель ҳақида, жамоа ЖЧ-2026 ярим финалида Аргентинага имкониятни бой берганидан (1:2) сўнг ўз фикрларини билдирди.
"Мен унинг келажаги ҳақида ўйламаяпман. Унга бўлган босим жуда ўринли, у маълум бир йўл билан муваффақиятга эришишга ҳаракат қилди.
Кўпчилик унинг бунга ёндашувига қўшилмайди... Уни танқид қилишади, чунки у ўйиннинг кескин паллаларида унинг боришини ўзгартира оладиган бош мураббий эди. Уни айнан шундай вазиятларни уддалаши учун таклиф қилишганди, аммо у буни эплай олмади, шунинг учун унга босим ўтказишади.
Аммо мен ҳеч қачон Англия бу турнирда ғолиб чиқишини кутмаганман. Якунда, менимча, биз энг муҳим ўйинларда ва энг масъулиятли дақиқаларда тўпни назорат қила олмаймиз. Бу кўп йиллардан бери Англиянинг айби бўлиб келган", — дея Невиллнинг сўзларини келтиради Sky Sports.
