«Barselona», «Manchester Siti» va «Bavariya» klublarida ishlagan taniqli ispaniyalik murabbiy Xosep Gvardiola hozircha o‘z ishini sog‘inmayotganini tan oldi. Eslatib o‘tamiz, mutaxassis o‘tgan mavsum yakunida «shaharliklar» bosh murabbiyligidan ketgan edi.
«Ichki dunyomda hech narsani sog‘inmayapman. Murabbiylik faoliyatini 37 yoshimda boshlaganman va hayotimning barchasi futbol bilan bog‘liq edi. Endi esa futbolga aloqasi bo‘lmagan boshqa mashg‘ulotlar bilan shug‘ullanib, yangi hayotni kashf etmoqchiman va baxtli bo‘lishni istayman. Hali tanaffusdan keyingi hayotga moslashish jarayonidaman, ammo hammasi ancha yaxshi kechmoqda», — dedi murabbiy Okx bilan suhbatda.
Gvardiolaning qo‘shimcha qilishicha, u vaqtini oilasiga va o‘ziga bag‘ishlashni istaydi. Aynan shu holat uning «Manchester Siti»dan ketishiga asosiy sabablardan biri bo‘lgan.
55 yoshli murabbiy Chempionlar ligasining uch karra g‘olibi hisoblanadi. Ispaniyalik mutaxassis «Manchester Siti» bilan olti marta Angliya Premyer-ligasida, «Barselona» bilan uch marta La Ligada, «Bavariya» bilan esa uch marta Bundesligada chempionlikka erishgan.
