«Liverpul»ning vingeri Muhammad Salohning manfaatlarini himoya qiluvchi agent Rami Abbos Issa futbolchining kelajagi borasida izoh berdi. Eslatib o‘tamiz, 2025/26 yilgi mavsum yakunlangach, Saloh erkin agent sifatida «Liverpul»ni tark etgan edi.
«Biz hali ham Muhammad keyingi mavsum qayerda o‘ynashini bilmaymiz... lekin juda tez orada buni bilib olishimiz mumkin», — deya agentning so‘zlaridan iqtibos keltiradi jurnalist Fabrisio Romano.
34 yoshli Saloh 2017 yildan 2026 yilgacha «Liverpul» safida to‘p surgan. O‘tgan mavsumda u barcha turnirlarda 41 ta o‘yinda maydonga tushib, 12 ta gol va 10 ta golli uzatmaga mualliflik qildi.
Transfermarkt ma’lumotlariga ko‘ra, misrlik futbolchining bozor qiymati 22 million yevroni tashkil etadi.
