«Ливерпуль»нинг вингери Муҳаммад Салоҳнинг манфаатларини ҳимоя қилувчи агент Рами Аббос Исса футболчининг келажаги борасида изоҳ берди. Эслатиб ўтамиз, 2025/26 йилги мавсум якунлангач, Салоҳ эркин агент сифатида «Ливерпуль»ни тарк этган эди.

«Биз ҳали ҳам Муҳаммад кейинги мавсум қаерда ўйнашини билмаймиз... лекин жуда тез орада буни билиб олишимиз мумкин», — дея агентнинг сўзларидан иқтибос келтиради журналист Фабрицио Романо.

34 ёшли Салоҳ 2017 йилдан 2026 йилгача «Ливерпуль» сафида тўп сурган. Ўтган мавсумда у барча турнирларда 41 та ўйинда майдонга тушиб, 12 та гол ва 10 та голли узатмага муаллифлик қилди.

Transfermarkt маълумотларига кўра, мисрлик футболчининг бозор қиймати 22 миллион еврони ташкил этади.