«Manchester Siti» hujumkor yarim himoyachisi Fil Foden Italiyaning «Milan» klubiga o‘tishi mumkin. Bu haqda SportMediaset xabar bermoqda.

Manbaga ko‘ra, «Milan» 26 yoshli futbolchining transferini ko‘rib chiqmoqda. Klub agar Rafael Leauni sotib yuborsa, yarim himoyachini o‘z safiga qo‘shib olishi mumkin.

Ta’kidlanishicha, Fodenning xizmatlari bir nechta klubga taklif qilingan, chunki futbolchi «Manchester Siti» bilan tuzgan shartnomasining so‘nggi yiliga qadam qo‘ygan.

O‘tgan mavsumda Foden barcha turnirlarni hisobga olganda 50 ta o‘yinda maydonga tushib, 10 ta gol urdi va 7 ta golli uzatmani amalga oshirdi.

Transfermarkt mutaxassislari ingliz futbolchisini 70 million yevroga baholamoqda.