«Bavariya»ning afsonaviy sobiq futbolchisi Lotar Matteus Maykl Olisening Madridning «Real» klubiga o‘tishi mumkinligi haqida o‘z fikrlarini bildirdi.
Yaqinda tarqalgan ma’lumotlarga ko‘ra, fransiyalik futbolchi Myunxenni tark etib, faoliyatini «qirollik klubi»da davom ettirmoqchi.
«Shaxsan men uning «Real»da o‘ynash istagini tushuna olaman. Har bir futbolchi qachondir «Real»da bo‘lishni istaydi. Ammo «Bavariya»da hech qanday muzokara olib borishmaydi — ular bu sarlavhalardan shunchaki kulishadi. Men Olisening kelasi mavsumda «Real»da o‘ynash imkoniyatini deyarli nolga teng deb baholagan bo‘lardim. Menimcha, «Bavariya» uning shartnomasini maoshini oshirgan holda uzaytiradi», — dedi Matteus Bild nashriga bergan intervyusida.
Mish-mishlarga ko‘ra, «qaymoqranglilar» Olise uchun 200 million yevrodan ortiq mablag‘ taklif qilishga tayyor.
