«Бавария»нинг афсонавий собиқ футболчиси Лотар Маттеус Майкл Олисенинг Мадриднинг «Реал» клубига ўтиши мумкинлиги ҳақида ўз фикрларини билдирди.

Яқинда тарқалган маълумотларга кўра, франциялик футболчи Мюнхенни тарк этиб, фаолиятини «қироллик клуби»да давом эттирмоқчи.

«Шахсан мен унинг «Реал»да ўйнаш истагини тушуна оламан. Ҳар бир футболчи қачондир «Реал»да бўлишни истайди. Аммо «Бавария»да ҳеч қандай музокара олиб боришмайди — улар бу сарлавҳалардан шунчаки кулишади. Мен Олисенинг келаси мавсумда «Реал»да ўйнаш имкониятини деярли нолга тенг деб баҳолаган бўлардим. Менимча, «Бавария» унинг шартномасини маошини оширган ҳолда узайтиради», — деди Маттеус Bild нашрига берган интервьюсида.

Миш-мишларга кўра, «қаймоқранглилар» Олисе учун 200 миллион евродан ортиқ маблағ таклиф қилишга тайёр.