«Chelsi» shov-shuvli transfer bo‘yicha og‘zaki kelishuvga erishdi. London jamoasi tarkibi yaqin vaqt ichida hujumkor yarim himoyachi Morgan Rojers bilan boyiydi.

The Athletic nashri xabariga ko‘ra, «Aston Villa» «Chelsi»ning Rojers uchun qilgan 117 million funt (137,57 million yevro) miqdoridagi taklifini qabul qilgan.

23 yoshli Morgan Rojersning tibbiy ko‘rikdan o‘tishi dushanba kuniga belgilangan. Agar barchasi rejadagidek o‘tsa, futbolchi 2031/2032 yilgi mavsum oxirigacha amal qiladigan, yana bir yilga uzaytirish imkoniyati bilan shartnoma imzolaydi.

Ta’kidlanishicha, Rodjers «Chelsi»da o‘ynashni juda istamoqda, chunki uni Xabi Alonso bilan ishlash imkoniyati va klubning loyihasi o‘ziga tortmoqda.