Markaziy yarim himoyachi Noel Aseko Frankfurtning «Ayntraxt» klubiga o‘tdi. Bu haqda «burgutlar» matbuot xizmati rasman ma’lum qildi.

Myunxenning «Bavariya»sidan sotib olingan nemis futbolchisi 2031 yilning yoziga qadar mo‘ljallangan mehnat shartnomasini imzoladi.

Mish-mishlarga ko‘ra, «Bavariya» 20 yoshli futbolchi uchun taxminan 12 million yevro ishlab oladi.

O‘tgan mavsumni Aseko ijara asosida «Gannover» safida o‘tkazdi. Germaniya ikkinchi divizioni klubi tarkibida yarim himoyachi barcha turnirlarda 33 ta o‘yinda maydonga tushib, 3 ta gol urdi va 6 ta golli uzatmani amalga oshirdi.

Eslatib o‘tamiz, Bundesliganing yangi mavsumi 28 avgust kuni boshlanadi.