Ispaniya terma jamoasi va «Barselona» himoyachisi Pau Kubarsi JCH-2026 finalida Argentinaga qarshi kechadigan bahs oldidan o‘z fikrlari bilan o‘rtoqlashdi. Kubarsi Argentina terma jamoasi hujumchisi Xulian Alvaresni alohida qayd etdi.
«U juda texnikali futbolchi, bo‘sh zonalarni topishni, markazga siljishni biladi va ajoyib zarbaga ega. Har doim sergak bo‘lish va unga yaqin turish kerak, chunki u istalgan vaqtda jazolashi mumkin», — deya ispan futbolchisining so‘zlarini keltiradi TV3.
Kubarsi uchun finaldagi asosiy voqea Messi bilan uchrashish bo‘ladi. Ispaniyalik futbolchi bolaligidan argentinalik yulduzga tan berib kelganini tan oldi.
«Mening Neymar va Pike yozilgan futbolkalarim bo‘lgan, lekin Messi doim yonimda edi. U mening kumirlarimdan biri bo‘lgan. Menda va «Barselona»ning barcha muxlislarida unga nisbatan alohida munosabat bor. Bunday yoshda u bilan bir maydonga chiqish imkoniyati — bu orzularning ushalishidir».
