«Liverpul» va Angliya terma jamoasining sobiq forvardi Kevin Kigan 75 yoshida hayotdan ko‘z yumdi. Bu haqda Sky Sports xabar bermoqda.
«Kevin Kiganning 75 yoshida vafot etganini chuqur qayg‘u bilan ma’lum qilamiz. Kevin saraton xastaligi bilan kurashayotgan edi va hayotining so‘nggi daqiqalarida uning yonida rafiqasi hamda qizlari bo‘lishdi. Ikki karra «Oltin to‘p» sohibi bo‘lgan Kevin sevikli turmush o‘rtoq, ota va bobo edi. Oila Kevinning ajoyib tibbiy jamoasiga ko‘rsatilgan barcha yordam uchun minnatdorchilik bildiradi. Bu juda og‘ir damlardir va biz shunday paytda shaxsiy hayotimizga va sukunatimizga hurmat bilan qarashingizni so‘raymiz», — deya Kigan oilasining murojaatini jurnalist Kit Dauni X ijtimoiy tarmog‘ida keltirmoqda.
«Liverpul» bilan Kevin Kigan uch marta Angliya chempioni bo‘lgan, mamlakat Kubogini va ikki marta milliy Superkubokni qo‘lga kiritgan. Mersisaydliklar bilan xalqaro maydonda futbolchi Chempionlar kubogi va UEFA Kubogini (ikki marta) yutib olgan. «Gamburg» bilan esa Kigan Germaniya chempionati va Kubogida zafar quchgan.
