«Arsenal» Morgan Rodjersni o‘z safiga qo‘shib olish uchun kurashda yetakchilik qilayotgan edi, ammo yarim himoyachi uchun «Aston Villa»ga 120 million funt to‘lashga tayyor bo‘lmadi.
Bu haqda The Times xabar bermoqda. 23 yoshli futbolchi «Chelsi»ga 117 million funt evaziga o‘tmoqda.
Ta’kidlanishicha, «kanonirlar» o‘yinchi uchun 80 million funt atrofida to‘lashlari va hatto taklifni 100 million funtdan oshirishlari mumkin edi, ammo 120 million funt to‘lashga klub rozi bo‘lmagan.
«Aston Villa» shuningdek, vositachilar orqali norasmiy muzokaralar olib borishga uringan «Arsenal»ning yondashuvidan norozi bo‘lgan.
«Chelsi» egalari yarim himoyachi uchun so‘ralgan summaga rozi bo‘lishdi. Xabi Alonso Rojers bilan gaplashib olgan. Bosh murabbiyga angliyalik futbolchining universalligi ma’qul kelmoqda.
