La Liga prezidenti Xavyer Tebas FIFA prezidenti Janni Infantinoning faoliyatini tanqid qildi.

“Menimcha, uning davri tugadi. Biroq, FIFA prezidentini tizim, federasiyalar qo‘llab-quvvatlaydi, shuning uchun qo‘shimcha qiladigan narsa yo‘q, to‘g‘rimi? Muxolifatdan nomzod yo‘q; hech kim faqat yutqazish uchun nomzod bo‘lishni xohlamaydi.

Bu tizim tubdan chirigan. U lavozimda qolmasligi kerak, lekin hozirgi holatga ko‘ra, Infantino ketmaydi.

So‘nggi bir necha kun ichida Amerikada ko‘p odamlar Infantinoga qarshi chiqishayotganini va uning qilayotgan ishlariga qo‘shilmasliklarini eshitdim. Ular bu haqda gapirishadi, lekin hech narsa qilishmaydi. Bilmadim, nima yomonroq: sukut saqlashmi yoki sheriklikmi, chunki sukut saqlaganlar futbolga yetkazayotgan zararlarini yaxshi bilishadi”, deb yozadi La Gazzetta dello Sport Tebasning so‘zlaridan iqtibos keltirib.

Janni Infantinoga nisbatan e’tirozlar ancha avval boshlan bo‘lsa ham, "Balogun ishi"dan keyin juda kuchayib ketdi.

"Balogun ishi"

AQSH terma jamoasi hujumchisi Folarin Balogun Bosniya va Gersegovina terma jamoasiga qarshi 1/16 final uchrashuvida qo‘pol harakati uchun qizil kartochka olgandi.

5 iyul kuni FIFA Intizom qo‘mitasi Balogunning diskvalifikasiyasini vaqtincha to‘xtatdi. Keyinchalik FIFA bu qarorni Oq uydan Janni Infantinoga qo‘ng‘iroq bo‘lganidan so‘ng qabul qilganini ma’lum qildi. Tramp esa bu masalada haqiqatan ham Infantinoga qo‘ng‘iroq qilib, futbolchining diskvalifikasiyasini qayta ko‘rib chiqishni so‘raganini tasdiqladi.

Balogun Belgiya terma jamoasiga qarshi 1/8 final bahsida asosiy tarkibda maydonga tushdi. Shunga qaramay, uchrashuvda AQSH 1:4 hisobida mag‘lubiyatga uchradi va musobaqadan chiqib ketdi.