Madridning «Real» klubi safida to‘p tepayotgan ukrainalik darvozabon Andrey Lunin mushaklaridagi zo‘riqish tufayli jamoaning mashg‘ulot jarayonini o‘tkazib yubordi. Bu haqda ijtimoiy tarmoqlar orqali Arancha Rodriges xabar bermoqda.
Kelgusi juma kuni «qirollik klubi» «Alkorkon»ga qarshi o‘rtoqlik uchrashuvini o‘tkazadi. Lunin ushbu o‘yingacha tiklanib safga qaytishi va maydonda harakat qilishi kutilmoqda.
O‘tgan o‘yin mavsumida ukrainalik darvozabon «qaymoqranglilar» safida 12 ta uchrashuvda maydonga tushdi. Lunin o‘z darvozasidan 21 ta to‘p o‘tkazib yuborgan bo‘lsa, bitta o‘yinda o‘z hisobiga «quruq» o‘yinni yozdirib qo‘ygan.
La Liganing yakunlangan mavsumi natijalariga ko‘ra, «Real» ikkinchi o‘rinni egalladi.
