Мадриднинг «Реал» клуби сафида тўп тепаётган украиналик дарвозабон Андрей Лунин мушакларидаги зўриқиш туфайли жамоанинг машғулот жараёнини ўтказиб юборди. Бу ҳақда ижтимоий тармоқлар орқали Аранча Родригес хабар бермоқда.

Келгуси жума куни «қироллик клуби» «Алькоркон»га қарши ўртоқлик учрашувини ўтказади. Лунин ушбу ўйингача тикланиб сафга қайтиши ва майдонда ҳаракат қилиши кутилмоқда.

Ўтган ўйин мавсумида украиналик дарвозабон «қаймоқранглилар» сафида 12 та учрашувда майдонга тушди. Лунин ўз дарвозасидан 21 та тўп ўтказиб юборган бўлса, битта ўйинда ўз ҳисобига «қуруқ» ўйинни ёздириб қўйган.

Ла Лиганинг якунланган мавсуми натижаларига кўра, «Реал» иккинчи ўринни эгаллади.