«Atletik Bilbao» vingeri Niko Uilyams Ispaniya terma jamoasining Argentinaga qarshi Jahon chempionati finalidagi g‘alabasida zaxiradan maydonga tushib ajoyib o‘yin ko‘rsatganidan hamda Ferran Torresning goliga assistentlik qilganidan so‘ng diqqat-e’tibor markaziga tushdi.
24 yoshli futbolchi «Atletik» bilan 2032 yilgacha mo‘ljallangan shartnomaga ega bo‘lishiga qaramay, APL klublari, jumladan «Arsenal»ning ham qiziqishini uyg‘ota boshladi.
O‘tgan yozda Nikoga «Barselona» tomonidan jiddiy qiziqish bo‘lgan edi, biroq u yakunda «sherlar» bilan uzoq muddatli yangi shartnoma imzoladi.
Uning jamoadan ketishi haqidagi mish-mishlar shu yozda ham avj olishi kutilmoqda, biroq Nikoning kelajagi borasidagi asosiy ustunlik «Atletik» tomonida.
Uning agenti Feliks Tainta futbolchining kelajagi atrofidagi gap-so‘zlarga shunday munosabat bildirdi: «Hozir xotirjamlik zarur. Biz bosiq bo‘lishimiz, unga hordiq chiqarish va futboldan chalg‘ish imkonini berishimiz kerak. Xotirjamlik va osudalik lozim».
