«Nyukasl» «Manchester Siti» darvozaboni Jeyms Trafford transferi bo‘yicha muzokaralarni faollashtirmadi. Bu haqda Chronicle Live nashri xabar bermoqda.
«Qarg‘alar» Angliya terma jamoasining 23 yoshli golkiperiga avvalroq qiziqish bildirgan edi, biroq jahon chempionati yakunlangach, kutilgan taklif tushmadi. Shu haftadagi muhokamalarda Traffordning ismi klubning asosiy transfer nishonlari orasida tilga olinmagan.
Buning sabablaridan biri futbolchining yuqori narxi bo‘lishi mumkin — «Manchester Siti» darvozabon uchun taxminan 58 million yevro talab qilmoqda. Shu bilan birga, «Nyukasl» Trafford bilan shartnoma imzolash fikridan to‘liq voz kechgan-kechmagani noaniqligicha qolmoqda.
2025 yilning yozida «Nyukasl» inglizni sotib olishga harakat qilgan edi, ammo «Manchester Siti» so‘nggi soniyalarda «Byornli»dan qayta sotib olish opsiyasini faollashtirgan. O‘shanda «shaharliklar» 31 million yevro to‘lab, futbolchi bilan 2029 yilgacha mo‘ljallangan shartnoma imzolashgan edi.
