«PSJ» va Ispaniya terma jamoasi yarim himoyachisi Fabian Ruis 2026 yil yakunlariga ko‘ra «Oltin to‘p»ni qo‘lga kiritish imkoniyatlari borasida o‘z fikrini bildirdi.
«Ochig‘ini aytganda, kim ham «Oltin to‘p»ni yutishni xohlamaydi? Men bu yil Chempionlar Ligasi va jahon chempionatida zafar quchdim, bundan ham ajoyib mavsumni orzu qilish mumkin emas. Agar «Oltin to‘p»ga da’vogarlar ro‘yxatidan joy olsam, bu men uchun katta sharaf bo‘ladi», — dedi Ruis Cadena SER’ga bergan intervyusida.
2025/26 yilgi mavsumda Fabian Ruis «PSJ» safida barcha turnirlarda 34 ta o‘yinda maydonga tushib, 2 ta gol urdi va 5 ta golli uzatmaga mualliflik qildi. Jahon chempionatida esa yarim himoyachi Ispaniya terma jamoasi safida 8 ta o‘yinda ishtirok etib, 1 ta gol muallifiga aylandi.
