«ПСЖ» ва Испания терма жамоаси ярим ҳимоячиси Фабиан Руис 2026 йил якунларига кўра «Олтин тўп»ни қўлга киритиш имкониятлари борасида ўз фикрини билдирди.

«Очиғини айтганда, ким ҳам «Олтин тўп»ни ютишни хоҳламайди? Мен бу йил Чемпионлар Лигаси ва жаҳон чемпионатида зафар қучдим, бундан ҳам ажойиб мавсумни орзу қилиш мумкин эмас. Агар «Олтин тўп»га даъвогарлар рўйхатидан жой олсам, бу мен учун катта шараф бўлади», — деди Руис Cadena SER’га берган интервьюсида.

2025/26 йилги мавсумда Фабиан Руис «ПСЖ» сафида барча турнирларда 34 та ўйинда майдонга тушиб, 2 та гол урди ва 5 та голли узатмага муаллифлик қилди. Жаҳон чемпионатида эса ярим ҳимоячи Испания терма жамоаси сафида 8 та ўйинда иштирок этиб, 1 та гол муаллифига айланди.