Argentinaning “Tigre” futbol klubi muxlislarini olib ketayotgan avtobusga o‘q uzildi. Bu haqda El Pais jurnalisti Xuan Pablo Romero X ijtimoiy tarmog‘idagi sahifasida xabar berdi.
Montevideo shahrida Sudamerikano Kubogi 1/8 final yo‘llanmasi uchun o‘tkazilgan pley-offning birinchi o‘yinida “Tigre” jamoasi “Nacional” ustidan 3:0 hisobida g‘alaba qozondi. O‘yindan keyin argentinalik muxlislar uyga qaytayotgandi, ular joylashgan avtobusga hujum uyushtirilgan.
Hujum oqibatida bir kishi oyog‘idan yaralangan va kasalxonaga yotqizilgan. Infobaye gazetasining xabar berishicha, avtobusga 10 ta o‘q uzilgan.
Javob o‘yini 29-iyul kuni Argentinada bo‘lib o‘tishi rejalashtirilgan.
