Аргентинанинг “Тигре” футбол клуби мухлисларини олиб кетаётган автобусга ўқ узилди. Бу ҳақда Эл Паис журналисти Хуан Пабло Ромеро Х ижтимоий тармоғидаги саҳифасида хабар берди.
Монтевидео шаҳрида Судамерикано Кубоги 1/8 финал йўлланмаси учун ўтказилган плей-оффнинг биринчи ўйинида “Тигре” жамоаси “Наcионал” устидан 3:0 ҳисобида ғалаба қозонди. Ўйиндан кейин аргентиналик мухлислар уйга қайтаётганди, улар жойлашган автобусга ҳужум уюштирилган.
Ҳужум оқибатида бир киши оёғидан яраланган ва касалхонага ётқизилган. Инфобае газетасининг хабар беришича, автобусга 10 та ўқ узилган.
Жавоб ўйини 29-июль куни Аргентинада бўлиб ўтиши режалаштирилган.
