«Aston Villa» o‘z rasmiy sahifalarida argentinalik vinger Alexandro Garnachoning transferini e’lon qildi.

Futbolchi Londonning «Chelsi» klubidan birmingemliklar safiga mavsum oxirigacha ijara huquqi asosida kelib qo‘shildi.

Avvalroq OAVda ijara kelishuvida futbolchini «Chelsi»dan 50 million yevroga sotib olish bandi ko‘zda tutilishi haqida xabar berilgan edi.

Alexandro «Manchester Yunayted» akademiyasi tarbiyalanuvchisi hisoblanadi. Garnacho mankunianliklarning asosiy jamoasi tarkibida 144 ta o‘yin o‘tkazgan. U 2025 yilning yozida «Chelsi»ga ko‘chib o‘tgan edi. Argentinalik futbolchi «ko‘klar» tarkibida barcha turnirlarda 43 ta o‘yinda maydonga tushib, 8 ta gol urdi va 4 ta golli uzatmani amalga oshirdi.