«Астон Вилла» ўз расмий саҳифаларида аргентиналик вингер Алехандро Гарначонинг трансферини эълон қилди.

Футболчи Лондоннинг «Челси» клубидан бирмингемликлар сафига мавсум охиригача ижара ҳуқуқи асосида келиб қўшилди.

Аввалроқ ОАВда ижара келишувида футболчини «Челси»дан 50 миллион еврога сотиб олиш банди кўзда тутилиши ҳақида хабар берилган эди.

Алехандро «Манчестер Юнайтед» академияси тарбияланувчиси ҳисобланади. Гарначо манкунианликларнинг асосий жамоаси таркибида 144 та ўйин ўтказган. У 2025 йилнинг ёзида «Челси»га кўчиб ўтган эди. Аргентиналик футболчи «кўклар» таркибида барча турнирларда 43 та ўйинда майдонга тушиб, 8 та гол урди ва 4 та голли узатмани амалга оширди.