UFC prezidenti Dana Uayt uni «abadiy do‘st» deb atagan Jon Jonsning gaplariga munosabat bildirib, bu fikrga qo‘shilishini aytdi. Uayt, shuningdek, ular o‘rtasidagi murakkab ishchi munosabatlarga qaramay, Jonsni MMA tarixidagi eng buyuk jangchi deb bilishini yana bir bor tasdiqladi.
«Ha, Jon ikkimizning vaziyatimiz juda o‘xshash. Buning biznes tomoni va shaxsiy tomoni bor, ammo biznes nuqtai nazaridan ham men hamisha Jon Jonsni hurmat qilaman. Jon o‘zining kim ekanini va nimalarga erishganini juda yaxshi tushunadi, bu yerda hech qanday xom xayolga o‘rin yo‘q. Men aytganman va yana bir bor takrorlayman: u barcha davrlarning eng buyuk jangchisidir. U o‘zi g‘alaba qozongan ko‘plab janglarga eng yaxshi sport formasida yetib kelmagan va o‘ziga nisbatan lozim bo‘lgandek munosabatda bo‘lmagan.
Jons faoliyatini yakunlaganidan so‘ng, sahna ortida nimalar sodir bo‘lgani haqidagi barcha voqealar aytila boshlanganida, u nimalarni boshdan kechirgani ayon bo‘ladi. Bu insonning qilgan ishlari, keyin esa oktagonga chiqib, uni mag‘lub etish uchun bor kuchi bilan mashg‘ulot o‘tkazgan dunyoning eng yaxshi jangchilarini tor-mor etgani — shunchaki aqlbovar qilmas hodisadir», — dedi Uayt MMAJunkie nashriga.
